‘ఇస్మార్ట్ శంకర్’ ఆ సినిమాకు కాపీ.. !?

పూరి-రామ్ కలయికలో తెరకెక్కుతోన్న చిత్రం ‘ఇస్మార్ట్ శంకర్’. నిధి అగర్వాల్, నభ నటేష్ హీరోయిన్లు. ఛార్మితో కలిసి పూరి ఈ చిత్రాన్ని నిర్మిస్తున్నారు. జెడ్ స్వీడుతో షూటింగ్ జరుగుతోంది. ఈ నెలాఖరిలోనే సినిమాని తీసుకొచ్చే పనిలో ఉన్నారు. ఇప్పుడీ సినిమా గురించి ఓ షాకింగ్ న్యూస్ బయటికొచ్చింది. ఇస్మార్ట్ శంకర్ ఓ హాలీవుడ్ సినిమాకి కాపీ అనే వార్త వినిపిస్తోంది.

2016లో వచ్చిన హాలీవుడ్ చిత్రం ‘క్రిమినల్’ కథకి ఇస్మార్ట్ శంకర్ చాలా దగ్గరగా ఉన్నాడట. ‘క్రిమినల్’ సినిమా కథ ప్రకారం ఒక హ్యాకర్ ని సిఐఎ ఏజెంట్ పట్టుకోవాలి అనుకుంటాడు. కానీ ఆ ఏజెంట్ ని ఎవరో చంపేసి అతని బ్రెయిన్ లోని మెమరీస్ ని చిప్ ద్వారా క్రిమినల్ బ్రెయిన్ లోకి పంపిస్తారు. ఇస్మార్ట్ శంకర్ కథ కూడా దాదాపు ఇదేనని చెబుతున్నారు. ఐతే, క్రిమినల్ కథని పూర్తి తనదైన హీరోయిజాన్ని జోడించే తీసుకొచ్చే పనిలో ఉన్నాడని సమాచారమ్. నిజంగానే ఇస్మార్ట్ శంకర్ కాపీ అని తేలితే ఇబ్బందులు తప్పకపోవచ్చు.