మహేష్ థియేటర్’లో జగన్.. ఏం చేశాడో తెలుసా ?
ఎన్నికల తర్వాత వైకాపా అధినేత వైఎస్ జగన్ కాస్త రిలాక్స్ గా కనిపిస్తున్నారు. ఇటీవలే ఫ్యామిలీతో కలిసి స్విట్జర్లాండ్ వెళ్లొచ్చారు. ఇవాళ సడెన్ గా సూపర్ స్టార్ మహేష్ బాబుకు చెందిన ఏఎంబీ థియేటర్ లో ప్రత్యక్షమయ్యారు. ‘అవెంజర్స్ : ది ఎండ్ గేమ్’ సినిమాను జగన్ వీక్షించారు. జగన్ థియేటర్ లోకి వచ్చే ముందు పలువురిని చిరు నవ్వుతో పలకరించారు. సినిమా చూసిన తర్వాత తన అభిప్రాయాన్ని పంచుకోలేదు. నేరుగా లోటస్ పాండ్ కు వెళ్లిపోయారు.
ఏపీ సీఎం చంద్రబాబు, తెరాస వర్కింగ్ ప్రెసిడెంటు కేటీఆర్ లు పలు మార్లు సినిమాలు వీక్షించడంలో వార్తల్లోకి వచ్చింది. ఐతే, జగన్ సినిమా చూసిన వార్త బయటికి రావడం బహుశా.. ఇదే మొదటిసారినేమో.. ! ఇక, ఏపీలో గెలుపుపై జగన్ ధీమాగా ఉన్నారు. జాతీయ సర్వేలు కూడా ఏపీలో వైకాపాదే అధికారం అని చెబుతున్నారు. మరోవైపు, ఏపీ సీఎం చంద్రబాబు మాత్రం వందకి వెయ్యిశాతం మళ్లీ తామే అధికారంలోకి వస్తామని చెబుతున్నారు. ఏపీ పీఠం ఎక్కబోయేది ఎవరు అనే ఉత్కంఠకి ఈ నెల 23తో తెరపడనుంది.
