డబ్బు ఖర్చుపెడితే.. విజయశాంతి కోరిక తీరుతుందట !
కాంగ్రెస్ ఎమ్మెల్యే జగ్గారెడ్డి.. ఆ పార్టీ స్టార్ క్యాంపెయినర్ విజయశాంతిపై సంచలన వ్యాఖ్యలు చేశారు. కేంద్రంలో యూపీఏ అధికారంలోకి రానుంది. యూపీఏలో చేరేందుకు కేసీఆర్, జగన్ లు కూడా సిద్ధంగా ఉన్నారని మంగళవారం జగ్గారెడ్డి ఆసక్తికర వ్యాఖ్యలు చేసిన సంగతి తెలిసిందే. దీనిపై విజయశాంతి ఆగ్రహం వ్యక్తం చేశారు.
“ఓవైపు స్ధానిక ఎన్నికల్లో కాంగ్రెస్ పార్టీ చావో, రేవో తేల్చుకునే విధంగా పోరాడుతున్నాం. ఈ తరుణంలో కాంగ్రెస్ నేతృత్వంలో ఏర్పడబోయే యూపీఏ ప్రభుత్వంలో టీఆర్ఎస్ కూడా చేరబోతోందని చెబితే.. స్ధానిక ఎన్నికల్లో కాంగ్రెస్ కంటే టీఆర్ఎస్‌కు మేలు జరుగుతుంది” విజయశాంతి అసహనం వ్యక్తం చేసింది.
దీనిపై స్పందించిన జగ్గారెడ్డి… విజయశాంతి పీసీసీ పదవి కావాలని కోరుకుంటున్నట్టున్నారు. ఆ పదవి కావాలంటే విజయశాంతి పార్ట్ టైం కాకుండా.. ఫుల్ టైం పని చేయాల్సిఉంటుంది. సొంత ఖర్చులతో పార్టీని నడిపించాల్సి ఉంటుంది. అలా చేసే పీసీసీ చీఫ్ ఉత్తమ్ కుమార్ రెడ్డి అప్పులపాలయ్యారు.
సీఎం పదవి ఆశించకుండా సొంత ఖర్చులతో పార్టీని నడిపించే వ్యక్తి ముందుకొస్తే.. తప్పకుండా రాష్ట్రంలో కాంగ్రెస్ అధికారంలోకి వస్తుందని జగ్గారెడ్డి అన్నారు. మరీ.. జగ్గారెడ్డి అన్నట్టుగా విజయశాంతి సొంత డబ్బులు ఖర్చుపెట్టేందుకు ముందుకొచ్చి.. పీసీసీ పదవిని చేపట్టాలనే కోరికని తీర్చుకుంటుందేమో చూడాలి.
