గ్రేట్ : రాహుల్ హెలికాప్టర్‌ను రిపేర్‌ చేశారు
కాంగ్రెస్ అధ్యక్షుడు రాహుల్ గాంధీ హెలికాప్టర్‌ను రిపేర్‌ చేస్తూ కన్పించారు. సార్వత్రిక ఎన్నికల ప్రచారంలో బిజీబిజీగా ఉన్న రాహుల్ తాజాగా తన ఇన్‌స్టాగ్రామ్‌లో ఓ ఆసక్తికర ఫొటోను షేర్ చేశారు. అందులో రాహుల్ నేలపై పడుకుని హెలికాప్టర్‌ను రిపేర్‌ చేస్తూ కన్పించారు. ఎన్నికల ప్రచారంలో భాగంగా రాహుల్ శుక్రవారం హిమాచల్‌ ప్రదేశ్‌లోని ఉనాలో పర్యటించారు.
ఆ సమయంలో ఆయన ప్రయాణిస్తున్న హెలికాప్టర్‌లో సమస్య తలెత్తింది. హెలికాప్టర్‌ సిబ్బంది దాన్ని సరిచేస్తుండగా.. రాహుల్ కూడా ఓ చేయి వేశారు. ఆ సయమంలో తీసిన ఫోటోని రాహుల్ షేర్ చేశారు. హెలికాప్టర్‌లో సమస్య రావడంతో తామంతా కలిసి దాన్ని సరిచేసినట్లు క్యాప్షన్‌లో పేర్కొన్నారు. టీం వర్క్‌తో ఏదైనా సాధించగలమని రాహుల్ అన్నారు. ఇప్పుడీ పిక్ వైరల్ అవుతోంది.
