టాలీవుడ్ డ్రగ్స్ కేసు ఎక్కడివరకు వచ్చిందంటే.. ?

రెండేళ్ల క్రితం టాలీవుడ్ లో డ్రగ్స్ కేసు కలకలం రేపిన సంగతి తెలిసిందే. ఈ కేసులో పలువురు సినీ ప్రముఖులని ఎక్సైజ్‌ శాఖ అధికారులు విచారించారు. ఐతే, ఆ తర్వాత ఈ కేసు మరుగున పడిపోయింది. దీంతో ఫోరం ఫర్‌ గుడ్‌ గవర్నెన్స్‌ వ్యవస్థాపకులు పద్మనాభరెడ్డి సమాచార హక్కు చట్టం ద్వారా ఈ కేసు వివరాలను సేకరించారు.

ఆయనకు అందిన సమాచారం ప్రకారం.. టాలీవుడ్ డ్రగ్స్‌ కేసులో ఇప్పటి వరకు నాలుగు ఛార్జిషీట్ల దాఖలు చేసిశారు. మొత్తం 12 కేసులు నమోదు చేశారు. సినీనటులు, దర్శకులు సహా 62 మందిని విచారించారు. వీరిలో కొంతమంది నుంచి గోర్లు, వెంట్రుకల నమూనాలను సిట్ అధికారులు సేకరించారు. వారి పేర్లను మాత్రం ఛార్జిషీట్‌లో చేర్చలేదు. 12 కేసులను నమోదు చేశారు. సెలబ్రిటీలకు మాత్రం క్లీన్‌ చిట్‌ ఇచ్చారు. ఐతే, ఈ కేసుని ఎందుకు తొక్కిపట్టారనే సమాచారం మాత్రం ఇవ్వలేదు.