సలైంట్’గా స్వీటీ అక్కడికి చెక్కేసింది !
స్వీటీ అనుష్క సలైంట్ గా అమెరికా చెక్కేసింది. ‘భాగమతి’ తర్వాత స్వీటీ నటించబోతున్న చిత్రం ‘సలైన్స్’. ఈ చిత్రానికి హేమంత్ మధుకర్ దర్శకత్వం వహిస్తున్నారు. కోన వెంకట్ సినిమాలో భాగస్వామిగా ఉన్నారు. ఇదో సస్పెన్స్ థ్రిల్లర్. మాధవన్ కీలక పాత్రలో నటిస్తున్నారు. కథ రీత్యా ఈ సినిమా అధికభాగం అమెరికాలో చిత్రీకరించనున్నారు. ఈ నేపథ్యంలో త్వరలో యుఎస్ లో మొదలు కానున్న తొలి షెడ్యూల్ కోసం అనుష్క అక్కడికి వెళ్లినట్టు తెలుస్తోంది. తెలుగు, తమిళ్, హిందీ భాషలో విడుదల చేయనున్నట్లు సమాచారమ్.
మరోవైపు, త్వరలోనే అనుష్క పెళ్లి చేసుకోబోతుంది. ఆమె ఇంట్లో పెళ్లి సంబంధాలు చూస్తున్నారనే ప్రచారం జరుగుతోంది. అందుకే స్వీటీ పెద్దగా సినిమాలు ఒప్పుకోవడం లేదు. ఓ సినిమా పూర్తయిన తర్వాతే మరో సినిమాకు గ్రీన్ సిగ్నల్ ఇస్తుందని చెబుతున్నారు. ఇక, ప్రభాస్-స్వీటీ ఎఫైర్ గురించి తెలిసిందే. వీరిద్దరు గాఢ ప్రేమకులనే ప్రచారం జరిగింది. జరుగుతోంది. అనుష్క, ప్రభాస్ మాత్రం మేం మంచి స్నేహితులం మాత్రమే. మాకు పెళ్లి చేసుకొనే ఆలోచనల లేదని ఒకటి రెండు సార్లు స్పష్టం చేశారు.
