ప్రభాస్ టీవీ ఛానెల్ పెట్టబోతున్నాడా.. !?

యంగ్ రెబల్ స్టార్ ప్రభాస్ కొత్త టీవీ ఛానల్ ని ప్రారంభించబోతున్నాడనే న్యూస్ ఇండస్ట్రీలో హాట్ టాపిక్ గా మారింది. ప్రభాస్ కొంత మంది స్నేహితుల కలిసి టీవీ ఛానల్ ని ప్లాన్ చేస్తున్నారంట. సూపర్ స్టార్ మహేష్ బాబు ‘ఏఎంబీ’ థియేటర్ ని ప్రారంభించిన సంగతి తెలిసిందే. ఇదే తరహా ప్రభాస్, అల్లు అర్జున్ కూడా థియేటర్స్ ని నిర్మించే ప్లాన్ లో ఉన్నట్టు ప్రచారం జరిగుతోంది.

ఇంతలో ప్రభాస్ టీవీ ఛానల్ ఏర్పాట్లు చేసే ప్లాన్ లో ఉన్నాడనే న్యూస్ బయటికి పొక్కింది. రాజకీయాల్లోకి రావాలనే ఉద్దేశం ఉన్నప్పుడే టీవీ ఛానల్ ఏర్పాటు ఆలోచన వస్తుంటుంది. ప్రభాస్ కు కూడా అలాంటి ఆలోచన ఏమైనా ఉందా.. ? లేదంటే.. పెద నాన్న, సీనియర్ రెబల్ స్టార్ కోసం టీవీ ఛానల్ ఏర్పాటు చేయబోతున్నాడనే విషయం తెలియాల్సి ఉంది.

ప్రస్తుతం ప్రభాస్ ‘సాహో’ సినిమాతో బిజీగా ఉన్నారు. శ్రద్దా కపూర్ హీరోయిన్. ఈ యాక్షన్ థ్రిల్లర్ కు సుజీత్ దర్శకత్వం వహిస్తున్నారు. దాదాపు రూ. 200కోట్ల బడ్జెట్ తో యూవీ క్రియేషన్స్ నిర్మిస్తోంది. ఆగస్టు 15న సాహో ప్రేక్షకుల ముందుకు రానుంది. సాహోతో పాటు రాథాకృష్ణ దర్శకత్వంలో ప్రభాస్ ప్రేమకథా చిత్రం తెరకెక్కుతోంది. పూజా హెగ్డే హీరోయిన్. ఈ చిత్రానికి జాన్ టైటిల్ ప్రచారంలో ఉంది.