ఇంగ్లాండ్ బయలుదేరిన టీమిండియా
టీమిండియా ఇంగ్లాండ్ బయలుదేరి వెళ్లింది. ఈనెల 30 నుంచి ఇంగ్లాండ్ వేదికగా వన్డే ప్రపంచకప్ మొదలు కాబోతున్న సంగతి తెలిసిందే. ఈ మెగాటోర్నీ కోసం టీమిండియా ఆటగాళ్లు ఈ తెల్లవారుజామున ఇంగ్లాండ్ పయనం అయ్యారు. జెట్ విమానం ఎక్కేశారు. ప్రయాణానికి ముందు తీసిన ఫోటోలని బీసీసీఐ తన ట్విట్టర్ ఖాతాలో పోస్ట్ చేసింది. ‘జెట్ సెట్ టు గో..’ అనే కామెంట్ పెట్టింది.
ఇక, ఈ సారి వరల్డ్ కప్ గెలుచుకొనే అవకాశాలు పుష్కలంగా ఉన్నాయి. బ్యాటింగ్, బౌలింగ్ లోనూ కోహ్లీ సేన పటిష్టంగా కనిపిస్తోంది. బ్యాటింగ్ ఆర్డర్ లో నెం. 4 స్థానం ఒక్కటే కలవరపెడుతోంది. ఆ స్థానంలో నిరూపించుకొన్న ఆటగాడు జట్టులో లేకపోవడం లోటుగా కనిపిస్తోంది. భారత్, ఇంగ్లాండ్, ఆస్ట్రేలియా జట్లకి మెగా టోర్ని గెలిచే అవకాశాలు ఎక్కువగా ఉన్నాయన్నది క్రికెట్ విశ్లేషకుల మాట.
Jet set to go ✈✈#CWC19 #TeamIndia pic.twitter.com/k4V9UC0Zao
— BCCI (@BCCI) May 21, 2019
