మహేష్ ‘వన్ ప్లస్ వన్’ ఆఫర్ !

సూపర్ స్టార్ మహేష్ బాబు ‘వన్ ప్లస్ వన్’ ఆఫర్ ప్రకటించడం చాలా అరుదు. అలా చేయాలంటే దర్శకుడు మహేష్ మనసు గెలుచుకోవాల్సి ఉంటుంది. మహేష్ మనసుని గెలుచుకొన్న దర్శకుల లిస్టులో పూరి జగన్నాథ్, కొరటాల శివ పేర్లు వినిపిస్తాయి.
ఇప్పుడీ లిస్టులో వంశీ పైడిపల్లి కూడా చేరినట్టు సమాచారమ్. ఆయనతో మరోసారి సినిమా చేస్తానని మహేష్ మాటిచ్చాడట.

‘పోకిరి’తో బ్లాక్ బస్టర్ హిట్ ఇచ్చిన పూరితో ‘బిజినెస్ మేన్’ సినిమా చేశాడు మహేష్. వీరి కలయికలో హ్యాట్రిక్ సినిమా కూడా రావాల్సి ఉంది. ఆ చిత్రానికి ‘జనగణమన’ టైటిల్ ఫిక్స్ చేశారు. పూరి టైటిల్ పోస్టర్ ని కూడా వదిలాడు. ఆ తర్వాత సినిమా నుంచి ఎలాంటి అప్ డేటు రాలేదు. మహేష్ తో మరోసినిమా కచ్చితంగా ఉంటుందని పూరి చెబుతుంటాడు.

‘శ్రీమంతుడు’ సినిమాతో మహేష్ మనసు గెలిచాడు కొరటాల శివ. అందుకే ‘భరత్ అనే నేను’ సినిమా చేసేసాడు. అది సూపర్ హిట్ అయ్యింది. ‘1-నేనొక్కడినే’ సినిమా కమర్షియల్ గా ఆడకపోయినా.. మహేష్ కు బాగా నచ్చేసింది. దీంతో సుకుమార్ కు మరో ఛాన్స్ ఇచ్చాడు మహెష్. ఐతే, దాన్ని సుక్కు సద్వినియోగం చేసుకోలేదు. మహేష్ తో సినిమాని క్యాన్సిల్ చేసుకొన్నాడు.

ఇక, ఇటీవల ప్రేక్షకుల ముందుకు వచ్చిన ‘మహర్షి’ మహేష్ కి పిచ్చ పిచ్చగా నచ్చేసింది. అందుకే వంశీ పైడిపల్లికి వన్ ప్లస్ వన్ ఆఫర్ ఇచ్చారు మహేష్. వంశీతో మరో సినిమా చేస్తానని మాట మాత్రంగా హామీ ఇచ్చారని టాలీవుడ్ సమాచారమ్. మహేష్ కోసం రాజమౌళి, త్రివిక్రమ్ తదితరులు రెడీగా ఉన్నట్టు తెలుస్తోంది. ఈ నేపథ్యంలో మహేష్ తో వంశీకి రెండో చెప్పుడొస్తుందో చూడాలి.