కౌంటింగ్‌ ప్రారంభం
దేశవ్యాప్తంగా సార్వత్రిక ఎన్నికల ఓట్ల కౌంటింగ్‌ ప్రారంభమైంది. సరిగ్గా ఉదయం 8గంటలకి కౌంటింగ్‌ మొదలుపెట్టారు. దేశవ్యాప్తంగా 542 లోక్‌సభ స్థానాల్లో ఓట్లను లెక్కిస్తున్నారు. ముందుగా పోస్టల్‌ బ్యాలెట్లను అధికారులు లెక్కిస్తున్నారు. మరికొన్ని గంటల్లో అభ్యర్థుల భవితవ్యం తేలిపోనుంది. మధ్యాహ్నం 12గంటల వరకు ట్రెండు తేలనుంది అధికారులు చెబుతున్నారు.
తెలంగాణలో 35 కేంద్రాల్లో లోక్‌సభ ఎన్నికల ఓట్ల లెక్కింపు ప్రారంభమైంది. ఏపీలోని 36 కౌంటింగ్‌ కేంద్రాల్లో ఓట్ల లెక్కింపు మొదలైంది. తెలంగాణలో తెరాస 16ఎంపీ స్థానాలని గెలుచుకోవాలనే టార్గెట్ పెట్టుకొంది. ఆ స్థాయిలో ఆ పార్టీ సీట్లు గెలుచుకోబోతుందని ముందస్తు సర్వేలు కూడా తెలిపారు. ఏపీలో మాత్రం టఫ్ ఫైట్ ఉండబోతుందని తెలుస్తోంది. మరికొద్ది గంటల్లో ఢిల్లీ కింగ్ ఎవరు ? ఏపీ నెక్ట్స్ సీఎం ఎవరనేది తేలనుంది.
