బాలీవుడ్ లో ‘జగన్ బయోపిక్’ !
వైఎస్ జగన్ పేరు దేశ వ్యాప్తంగా మారుమ్రోగిపోతుంది. ఏపీలో అసెంబ్లీ ఎన్నికల్లో వైకాపా ఘన విజయం. వైకాపా దెబ్బకు.. రాజకీయాల్లో కాకలు తీరిన చంద్రబాబు కొట్టుకుపోవడం సంచలనంగా మారింది. ఈ నేపథ్యంలో జగన్ జీవిత కథపై సినిమా తీసేందుకు ప్రయత్నాలు జరుగుతున్నాయి. ‘యాత్ర’ దర్శకుడు మహి వి రాఘవ ‘యాత్ర2’ ఉండబోతుందని ప్రకటించారు. జగన్ సుదీర్ఘ పాదయాత్రని యాత్ర2గా చూపించబోతున్న తెలిపారు. బాలీవుడ్ దర్శకులు సైతం జగన్ బయోపిక్ పై ఆసక్తి చూపుతున్నారు.
బాలీవుడ్ దర్శకుడు, జాతీయ అవార్డు విన్నర్ అనురాగ్ కశ్యప్ జగన్ జీవితకథపై ఆసక్తి చూపుతున్నారు. జగన్ పొలిటికల్ లైఫ్ ఓ థ్రిల్లర్ ని తలపిస్తోంది. తండ్రి రాజశేకర్ రెడ్డి చనిపోయాక.. ఆయన జాతీయ నేతలని ధిక్కరించారు. కొత్త పార్టీని ఏర్పాటు చేశారు. కోర్టు కేసులు, జైలు శిక్ష, పాదయాత్ర ఇలా అనేక ఆసక్తికర అంశాలుంటాయి. అందుకే ఆయన ముఖ్యమంత్రిగా ఎదిగిన వైనాన్ని సినిమాగా తీస్తే బాగుంటుందంటున్నారు అనురాగ్ కశ్యప్ భావిస్తున్నట్టు సమాచారమ్. త్వరలోనే దీనిపై కశ్యప్ ప్రకటన చేయొచ్చని తెలుస్తోంది. దక్షిణాది బాషాలతో పాటు హిందీలోనూ జగన్ బయోపిక్ ని తీసుకురావాలన్నది కశ్యప్ ఆలోచన.
