తెరాస ఎమ్మెల్సీ అభ్యర్థిగా నవీన్‌రావు
మైనంపల్లి హనుమంతరావు మల్కాజిగిరి ఎమ్మెల్యేగా ఎన్నికవడంతో ఎమ్మెల్సీ పదవికి ఆయన రాజీనామా చేసిన సంగతి తెలిసిందే. ఆ స్థానంలో ఖాళీ ఏర్పడటంతో ఈసీ ఎన్నిక నిర్వహించనుంది. ఈ నేపథ్యంలో తెరాస అభ్యర్థిని ఖరారు చేసింది. అభ్యర్థిగా నవీన్‌రావును ఎంపిక చేస్తూ తెరాస అధినేత కేసీఆర్‌ నిర్ణయం తీసుకున్నారు.
ఎమ్మెల్సీలుగా అవకాశం కల్పిస్తామని గుత్తా సుఖేందర్‌రెడ్డి, నవీన్‌రావులకు కేసీఆర్‌ గతంలో హామీ ఇచ్చారు. ప్రస్తుతం ఒకే ఖాళీ ఏర్పడటంతో తొలుత నవీన్‌రావుకు అవకాశం కల్పించారు. త్వరలో ఖాళీ కానున్న మూడు ఎమ్మెల్సీ స్థానాల్లో ఓ చోట గుత్తాకు చోటు కల్పించే అవకాశముంది.
