వరల్డ్ కప్ చూసేందుకు.. లక్షల్లో మహిళలు !
ఈ నెల 30 నుంచి ప్రారంభం కానున్న ప్రపంచకప్ కోసం యావత్‌ ప్రపంచం ఎదురుచూస్తోంది. ఈ మెగా టోర్నీలో పది జట్లు ..మొత్తం 48 మ్యాచ్‌లను రౌండ్‌ రాబిన్‌ పద్ధతిలో ఆడనున్నాయి. మొదటి నాలుగు స్థానాల్లో నిలిచిన జట్లు సెమీస్‌కు చేరుకోనున్నాయి. ఈ మెగా టోర్నీని ప్రత్యక్షంగా వీక్షించాలని వివిధ దేశాల నుంచి అభిమానులు ఇంగ్లాండ్‌ చేరుకుంటున్నారు.
వీరిలో మహిళలు కూడా పెద్ద సంఖ్యలోనే ఉండటం విశేషం. ప్రపంచకప్‌ను వీక్షించేందుకు లక్ష మందికిపైగా మహిళలు టికెట్లు కొన్నారని ఐసీసీ వెల్లడించింది. లక్షా పదివేలకు పైగా టికెట్లను మహిళలు కొన్నారు. ఇక టికెట్లు కొన్నవారిలో 16 ఏళ్ల వయస్సు లోపు వారు మరో లక్ష మంది ఉన్నారు’ ఐసీసీ తెలిపింది.
