సినిమా సెట్టింగ్ కాదు.. రియల్ !
పైన ఫోటోలు చూస్తుంది సినిమా సెట్టింగ్ కాదు. రియల్. విజయవాడలోని రామవరప్పాడు ఇన్నర్‌ రింగ్‌రోడ్డుపై ఓ కారు సినీ ఫక్కీలో ఎగిరి..ఫుట్‌పాత్‌పై నుంచి రిటైనింగ్‌ వాల్‌ ఎక్కి ఆగింది. కారు వంతెనపై నుంచి వేలాడుతుండటంతో స్థానికులు సినిమా సెట్టింగ్‌గా భావించి సెల్‌తో ఫొటోలు, సెల్ఫీలు దిగారు. ఆ తర్వాతే తెలిసింది. అది సెట్టింగ్ కాదు. రియల్ అని.
గుణదల ఫ్లైఓవర్‌ ప్రాంతానికి చెందిన ఓ వ్యక్తి తన కొత్త కారును రామవరప్పాడు ఇన్నర్‌రింగ్‌ రోడ్డు మీదుగా సోమవారం ఇంటికి తీసుకెళుతున్నారు. గుణదల రైల్వే వంతెనపై ముందుగా వెళుతున్న ఆటో సడెన్‌ బ్రేక్‌ వేయడంతో దానిని తప్పించేందుకు డ్రైవరు ఎడమవైపు తిప్పాడు. బ్రేక్‌పై వేయాల్సిన కాలును ఎక్స్‌లేటర్‌పై వేయడంతో వేగంగా కాలిబాట మీదుగా రిటైనింగ్‌ వాల్‌పైకి ఎక్కేసింది. వెనక చక్రాలు వంతెన పక్కగోడపై వేలాడుతుండగా ముందుచక్రాలు ఫుట్‌పాత్‌పై ఉన్నాయి. ఈ ఘటనలో ఎవరికి ప్రాణహాని జరగలేదు.
