అదే.. రస్మిక రహస్యం !

టాలీవుడ్ యంగ్ హీరో రష్మిక మందన హవా మొదలైంది. ఛలో సినిమాతో తెలుగు తెరకు పరిచయమైంది రస్మిక. ‘గీత గోవిందం’ బ్లాక్ బస్టర్ హిట్ అందుకొంది. దేవదాస్ సినిమాతో ఆకట్టుకొంది. రస్మిక-విజయ్ దేవరకొండ జంటగా నటించిన రెండో చిత్రం ‘డియర్ కామ్రెడ్’ జులై 26న ప్రేక్షకుల ముందుకు రానుంది. ఈ సినిమాపై ప్రేక్షకుల్లో భారీ అంచనాలున్నాయి.

తెలుగులో రస్మిక చేసినవి నాలుగే నాలుగు సినిమాలు. అప్పుడే సూపర్ స్టార్ మహేశ్ బాబు సినిమాలో ఆఫర్ కొట్టేసింది. అనిల్ రావిపూడి దర్శకత్వంలో తెరకెక్కనున్న మహేష్ సినిమా కోసం రస్మికని ఎంపిక చేశారు. ఈ సినిమాతో రస్మిక స్టార్ హీరోయిన్ల లిస్టులో చేరిపోయినట్టేనని చెప్పుకొంటున్నారు. రస్మికలో ఓ స్పెషాలిటీ ఉంది. తెరపై రస్మిక కనిపించదు. ఆమె పాత్ర మాత్రమే కనిస్తుంది.

అదేలా సాధ్యం అని రస్మికని అడిగితే.. “తొలి సినిమా చేసే వరకు కూడా నాకు నటనలో ఎలాంటి ప్రవేశం లేదు. పాఠశాల్ల్లో నిర్వహించే సాంస్కృతిక కార్యక్రమాల్లో డ్యాన్సులు చేసేదాన్ని కానీ నటనవైపు వెళ్లేదాన్ని కాదు. ధైర్యం చేసి ఒకసారి ప్రయత్నించినా నటించలేకపోయా. అప్పట్నుంచి నటన జోలికి వెళ్లలేదు. కానీ అప్పట్లో నటన తెలియకపోవడమే నాకు మేలైందేమో. తొలి సినిమా కోసం కెమెరా ముందుకొచ్చాక నాలా నేను కనిపించాలనుకొన్నా. నటన పేరుతో ప్రత్యేకంగా హావభావాలు కొని తెచ్చుకోకుండా సన్నివేశంలో ఉన్న ఇలాంటి సందర్భం నాకే ఎదురైతే ఎలా స్పందిస్తానని ప్రశ్నించుకొని అందుకు తగ్గట్టుగా నటించా. అదే నాలో ఒరిజినాలిటీని బయటికి తీసుకొచ్చింది. పాత్రల్లో సహజత్వం వెనక అసలు రహస్యం అదే’’ అని చెప్పింది రస్మిక.