వైరల్ : కొత్త లుక్ లో పవన్

జనసేన అధినేత, పవర్ స్టార్ పవన్ కల్యాణ్ కొత్త లుక్ లోకి మారిపోయాడు. అలాగని పవన్ సినిమా చేసేందుకు రెడీ అవుతున్నాడని అనుకొనేరూ. ఉన్న గడ్డాన్నే మరింత పెంచారు. ఐతే, డ్రెస్సింగ్ స్టయిల్ మాత్రం మార్చేశారు. ఏపీ అసెంబ్లీ ఎన్నికల ప్రచారంలో పవన్ తెల్లటి లాల్చీ పైజమాలో కనిపించారు. ఫలితాలు వెలువడిన తర్వాత పవన్‌ తొలిసారి రంగు దుస్తుల్లో దర్శనమిచ్చారు.

ఆయన నీలి రంగు టీ షర్ట్‌, జీన్స్‌ ధరించి ఉన్న ఫొటోలు చక్కర్లు కొడుతున్నాయి. చాలా రోజుల తర్వాత పవర్‌స్టార్‌ను అలా చూడటంతో అభిమానులు ఫొటోలను తెగ షేర్‌ చేస్తున్నారు. అయితే ఆయన గడ్డాన్ని మాత్రం తీయకుండా అలానే ఉంచారు. మరోవైపు, పవన్ మళ్లీ సినిమాలు చేసేందుకు రెడీ అవుతున్నట్టు ప్రచారం జరుగుతోంది. ఆయనతో సినిమా చేసేందుకు బండ్ల గణేష్ ప్రయత్నాలు చేస్తున్నారనే ప్రచారం ఉంది. ఇక, ఏపీ అసెంబ్లీ ఎన్నికల్లో జనసేన కేవలం ఒక్క సీటు మాత్రమే గెలుచుకొన్న సంగతి తెలిసిందే.