ఇస్మార్ట్ శంకర్ సాంగు.. కిర్రాక్కుంది.. !!
పూరీ జగన్నాథ్‌ దర్శకత్వంలో ఎనర్జిటిక్‌ స్టార్‌ రామ్‌ కథానాయకుడిగా నటిస్తున్న చిత్రం ‘ఇస్మార్ట్ శంకర్’. ‘డబుల్ దిమాక్’ అనేది ఉప శీర్షిక. నిధి అగర్వాల్‌, నభా నటేష్‌ కథానాయికలు. పూరీ, ఛార్మి సంయుక్తంగా నిర్మిస్తున్నారు. జులై 12న ఈ చిత్రం విడుదల కాబోతోంది.
ఈ సినిమాలోని ‘దిమాక్ ఖరాబ్..’ అనే పాటను చిత్ర బృందం శుక్రవారం విడుదల చేసింది. ఈ పాటకు మణిశర్మ సంగీతం అందించారు. కీర్తనా శర్మ, సాకేత్‌ పాటను ఆలపించారు. కాసర్ల శ్యాం సాహిత్యం అందించారు. శేఖర్‌ మాస్టర్‌ నృత్య రీతులు సమకూర్చారు. ఇందులో రామ్‌.. నభా, నిధిలతో హుషారుగా స్టెప్పులేస్తూ కనిపించారు. మాస్ స్టెప్పులు, గ్లామర్ షోతో ‘దిమాక్ ఖరాబ్..’ సాంగ్ కిర్రాకుంది. ఆ సాంగ్ ని మీరు వినేయండీ.. !
