భారత్‌ X న్యూజిలాండ్‌ మ్యాచ్‌ రద్దు ?
ప్రపంచకప్‌లో భాగంగా నాటింగ్‌హామ్‌ వేదికగా జరగాల్సిన భారత్‌ X న్యూజిలాండ్‌ మ్యాచ్‌ కు వర్షం అడ్డంకి మారింది. అక్కడ సోమవారం నుంచి విస్తారంగా వర్షాలు కురుస్తుండటంతో మైదానం చిత్తడిగా మారుతోంది. గురువారం మొత్తం నాటింగ్‌హామ్‌లో వర్షం కొనసాగుతుందని వాతావరణ శాఖ తెలిపింది. దీంతో 50 ఓవర్ల మ్యాచ్‌ మొత్తం జరిగే అవకాశం లేదు.
ఒకవేళ నేటి మ్యాచ్‌ రద్దయితే.. అది టీమిండియాకు ఇబ్బందిగా మారనుంది. న్యూజిలాండ్‌ ఆరు పాయింట్లతో ప్రస్తుతం అగ్రస్థానంలో కొనసాగుతుండగా భారత్‌ రెండు విజయాలతో నాలుగు పాయింట్లు సాధించింది. ఒకవేళ నేటి మ్యాచ్‌ గనుక రద్దైతే చెరో పాయింట్‌ లభిస్తుంది. ఈ నేపథ్యంలో పాకిస్థాన్‌తో జరగబోయే తదుపరి మ్యాచ్‌ భారత్‌కు కీలకం కానుంది.
