యాంకర్’కు రానా కౌంటర్… వైరల్
భాషతో సంబంధం లేని నటుడు రానా దగ్గుబాటి. ఆయన ఇటు టాలీవుడ్‌తో పాటు అటు బాలీవుడ్‌లోనూ సినిమాలు చేస్తున్నారు.
ఇటీవల రానా ఓ వెబ్‌సైట్‌కు ఇంటర్వ్యూ ఇచ్చారు. ఈ సందర్భంగా యాంకర్ దక్షిణాది చిత్ర పరిశ్రమను చులకన చేసి మాట్లాడారు.
దీనికి రానా గట్టి కౌంటర్ ఇచ్చారు. ఇప్పుడు దానికి సంబంధించిన వీడియో వైరల్ అవుతోంది.
“భారతీయులు చుట్టుపక్కల రాష్ట్రాల గురించి తెలుసుకోకపోవడం నాకు ఆశ్చర్యంగా ఉంది. ఏ చిత్ర పరిశ్రమ (భాష పరంగా) మరో చిత్ర పరిశ్రమకు తీసిపోదు. ఎక్కడైనా సరే అదే కెమెరా, కథ, నటీనటుల బృందం ఉంటుంది. ఎక్కడైనా సినిమా తీసే విధానం ఒకలానే ఉంటుంది. నేను తెలుగులో మాట్లాడితే అది తెలుగు సినిమా అవుతుంది. ఇంగ్లిషులో మాట్లాడితే.. ఇంగ్లిషు సినిమా అవుతుంది. ప్రపంచంలో ఎక్కడైనా సరే ఓ సినిమాను ఇలానే తీస్తారు కదా? నిజమేనా? కానీ మనమే మన మనసుల్లో ఇది ఓ చిత్ర పరిశ్రమ, అది మరో చిత్ర పరిశ్రమ అని పరిమితులు ఉంచుకున్నాం. ఇది తెలుగు చిత్ర పరిశ్రమ.. ఇక్కడ ఏం చేస్తారు? సినిమాలు తీస్తారు. అలాగే తమిళ చిత్ర పరిశ్రమలోనూ అంతే. ఎక్కడైనా అదే సినిమాలే ఉంటాయి, ఇందులో తేడా ఏముంది? పరిధిని దాటుకుని సినిమాలు తీస్తున్న వారు కూడా ఉన్నారు. రజనీకాంత్‌ సినిమాలు అన్నీ భాషల్లోనూ డబ్‌ అవుతాయి. ‘అవెంజర్స్‌’ కూడా అన్ని భాషల్లోనూ డబ్‌ అయ్యింది. మనం ఏర్పరచే వరకూ దేనికీ హద్దులు ఉండవనే విషయాన్ని గుర్తించాలి” అని రానా చెప్పడం వీడియోలో చూడొచ్చు.
