పాక్ ఈసారి గట్టిగా కొట్టేసింది

పాకిస్థాన్ బౌలింగ్ విభాగంలో పటిష్టంగా ఉంది. బ్యాటింగ్ మాత్రం అంతంతే. ఐతే, దక్షిణాఫ్రికాతో జరిగిన మ్యాచ్‌లో పాకిస్థాన్‌ గట్టిగా కొట్టింది. టాస్ గెలిచి బ్యాటింగ్‌ ఎంచుకున్న పాక్‌ నిర్ణీత 50 ఓవర్లలో 7 వికెట్ల నష్టానికి 308 పరుగులు చేసింది. హారిస్‌ సొహైల్‌(89; 59బంతుల్లో 9×4, 3×6), బాబర్‌ అజామ్‌(69; 80బంతుల్లో 7×4) కీలక ఇన్నింగ్‌ ఆడారు. సఫారీ బౌలర్లలో ఎంగిడి 3, తాహీర్‌ 2 వికెట్లు పడగొట్టారు.

309పరుగుల విజయలక్ష్యంతో బరిలోకి దిగిన దక్షిణాఫ్రికాకు ఆరంభంలోనే ఎదురుదెబ్బ తగిలింది. 4 పరుగుల వద్ద తొలి వికెట్ కోల్పోయింది. హసీమ్ ఆమ్లా రెండు పరుగులు చేసి అమీర్ బౌలింగ్ లో ఎల్బీడబ్ల్యూగా ఔటయ్యాడు. ప్రస్తుతం సఫారీలు 51/1 (12ఓవర్లు)తో ఆటని కొనసాగిస్తున్నారు. డుప్లసిస్ 31 (35బంతుల్లో), డికాక్ 17 (34బంతుల్లో) క్రీజులో ఉన్నారు.