షూటింగ్’లో స్వీటీకి గాయాలు ?

‘సైరా’ షూటింగ్’లో స్వీటీ అనుష్క గాయపడినట్టు సమాచారమ్. సురేంధర్ రెడ్డి దర్శకత్వంలో మెగాస్టార్ చిరంజీవి151 ‘సైరా నరసింహారెడ్డి’ తెరకెక్కుతోన్న సంగతి తెలిసిందే. తొలితరం స్వాతంత్య్ర సమరయోధుడు ఉయ్యాలవాడ నరసింహారెడ్డి జీవిత కథ ఆధారంగా తెరకెక్కుతోన్న చిత్రమిది. ఇందులో చిరంజీవి ఉయ్యాలవాడ నరసింహారెడ్దిగా, ఆయన గురువు పాత్రలో బిగ్ బీ అమితాబ్ నటిస్తున్నారు. స్వీటీ అనుష్క ఓ కీలక పాత్రలో నటిస్తున్నారు. ఆమె యువనారి పాత్రలో కనిపించనుందట.

ఇటీవలే అనుష్క షూటింగ్ లో జాయిన్ అయింది. ఆమెపై యాక్షన్ సీన్స్ తెరకెక్కిస్తున్నారు. ఈ క్రమంలో ఆమె కాలికి గాయమైనట్టు తెలుస్తోంది. ఐతే, పెద్దగా కంగారు పెట్టకుండా డాక్టర్ తో చికిత్స చేయించుకొందట స్వీటి. కొన్ని రోజుల పాటు విశ్రాంతి అవసరమని డాక్టర్లు సూచించినట్టు తెలుస్తోంది. ఇక భాగమతి తర్వాత చాలా గ్యాప్ తీసుకొన్న అనుష్క ప్రస్తుతం ‘సైలెన్స్’ అనే సినిమా చేస్తోంది. ఇందులో మాధవన్ కీలక పాత్రలో నటిస్తున్నారు. హేమంత్ మధుకర్ దర్శకత్వం వహిస్తున్నారు.