దర్శకుడి చేతిలో మోసపోయిన రకుల్ !
స్టార్ హీరోయిన్ రకుల్ ప్రీత్ సింగ్ ఓ దర్శకుడి దగ్గర మోసపోయిందట. ఈ విషయాన్ని రకుల్ సన్నిహితుల దగ్గర చెప్పుకొని వాపోయినట్టు సమాచారమ్. ఆ దర్శకుడు మరెవ్వరో కాదు మురగదాస్. కోలీవుడ్, టాలీవుడ్, బాలీవుడ్ లోనూ గుర్తింపు తెచ్చుకొన్న మురగదాస్ రకుల్ ని మోసం చేశాడన్న న్యూస్ ఇప్పుడు హాట్ టాపిక్ గా మారింది. ఇంతకీ మురగ చేసిన మోసం ఏంటో తెలుసా ?
సూపర్ స్టార్ మహేష్ బాబు ‘స్పైడర్’ సినిమాలో రకుల్ హీరోయిన్’గా నటించిన సంగతి తెలిసిందే. ఈ సినిమా ఫలితం ఎలా ఉన్నా.. సినిమాలో మహేష్-రకుల్ ల కెమెస్ట్రీ బాగుందనే టాక్ వినిపించింది. ఇదీగాక, రకల్ నటన దర్శకుడు మురగకి బాగా నచ్చేసింది. దీంతో.. తమిళ్ స్టార్ విజయ్ తో చేయబోయే సినిమాలోనూ రకుల్ ని తీసుకొంటానని మాటిచ్చాడట. ఇప్పుడేమో.. రకుల్ ని ప్రకక్కు పెట్టి విజయ్’కి జంటగా నయనతారని సెట్ చేసే పనిలో మురగ ఉన్నట్టు తెలుస్తోంది.
మురగ మాటిచ్చాడని ఈ మధ్య వచ్చిన ఒకట్రెండు ఆఫర్లని రకుల్ వదులుకొందట. మురగ మాటిచ్చాడు. పైగా ఇటీవలే కోలీవుడ్’లో అడుగుపెట్టిన అక్కడ తనకు మంచి గుర్తింపే వచ్చింది. విజయ్ సినిమాలో తన ఆఫర్’కు ఢోకా లేదని రకుల్ నమ్మకంతో ఉంది. ఇంతలో తన నమ్మకాన్ని వమ్ముచేశాడు మురగ. ఇప్పుడు మురగ చేసిన మోసాన్ని సన్నిహితుల చెప్పుకొంటూ తెగ బాధపడుతుందట.
రకుల్ కాదని నయన్ దగ్గరకు దర్శకుడు మురగదాస్ సొంత ఆలోచనలో వెళ్లలేదు. హీరో విజయ్ సూచన మేరకు నయన్ కోసం ట్రై చేస్తున్నాడట మురగ. ఇటీవలే ప్రేక్షకుల ముందుకొచ్చిన నయన్ ‘ఆరమ్’ తమిళ నాట అదరగొడుతోంది. పైగా.. నయన్ మళ్లీ తెలుగులో సినిమాలు చేస్తోంది. ఇది తమ సినిమాకు ప్లస్ అవుతుందని.. నయన్ కోసం గట్టిగా ట్రై చేయమని విజయ్ దర్శకుడు మురగకి చెప్పడంతో.. ఇప్పుడదే పనిలో ఉన్నాడు. నయన్ ‘ఆరమ్’ హిట్ కాస్త రకుల్ కొంపముంచినట్టయ్యింది.
