చిలకలూరిపేటలో ఘోర రోడ్డు ప్రమాదం.. 5గురు మృతి !
గుంటూరు జిల్లా చిలకలూరిపేటలో ఘోర రోడ్డు ప్రమాదం జరిగింది. పట్టణంలోని ఎన్‌ఆర్‌టీ సెంటర్‌లో.. తిరుపతి నుంచి పాలకొల్లు వెళ్తున్న కారు రోడ్డు పక్కన నిలిచి ఉన్న లారీని బలంగా ఢీకొట్టింది. ఈ ప్రమాదంలో కారులో ప్ర‌యాణిస్తున్న 11 మందిలో ఐదుగురు మృతి చెందారు. మరో ఆరుగురికి తీవ్ర గాయాలయ్యాయి.
మృతులను పాలకొల్లుకు చెందిన టి.వెంకటేశ్వరరావు(30), సూర్యభవానీ(25), సోనాక్షి, గీతేశ్వర్‌, ఆనంద్‌కుమార్‌గా గుర్తించారు. మృతుల్లో ఇద్దరు చిన్నారులు ఉన్నారు. గాయాలైన వారిని సమీపంలోని ఆస్పత్రికి తరలించి చికిత్స అందిస్తున్నారు.
