‘డియర్ కామ్రేడ్’ ప్రీ-రిలీజ్ ఫంక్షన్ ముహూర్తం ఫిక్స్ !

ప్రమోషన్స్ లో వేగం పెంచాడు కామ్రేడ్ విజయ్ దేవరకొండ. కొత్త దర్శకుడు భరత్ కమ్మ దర్శకత్వంలో ఆయన కథానాయకుడిగా నటించిన చిత్రం ‘డియర్ కామ్రేడ్’. రష్మిక మందన కథానాయిక. కొద్దిసేపటి క్రితమే ఈ సినిమా ట్రైలర్ విడుదలైంది. అద్భుతమైన స్పందన వస్తోంది. తాజాగా ఈ సినిమా ప్రీ రిలీజ్ డేటు, వేదిక ఫిక్సయ్యాయి.

ఈ నెల 22న వైజాగ్ లో డియర్ కామ్రేడ్ ప్రీ-రిలీజ్ ఈవెంట్ జరగనుంది. ఈ వేడుకకి ముఖ్య అతిథిగా ఎవరు వస్తారన్నది ఇంకా ఫైనల్ కాలేదు. ఈ చిత్రానికి జితిన్ ప్రభాకర్ సంగీతం అందిస్తున్నారు. మైత్రీ మూవీస్, బిగ్ బెన్ ప్రొడక్షన్స్ సంయుక్తంగా నిర్మిస్తున్నాయి. ఈ నెల 26న డియర్ కామ్రేడ్ ప్రేక్షకుల ముందుకు రానున్నాడు.