నయన్ ‘అమ్మ’ కాబోతుందా ?
తమిళ్ నాట స్టార్ హీరోయిన్ నయనతార క్రేజ్ గురించి తెలిసిందే. ఆమెని లేడీ సూపర్ స్టార్’గా పిలుచుకుంటారు. ఇంతటి క్రేజీ సంపాదించుకొన్న నయనతార తమిళ ప్రజల మరో ‘అమ్మ’గా మారే అవకాశాలున్నాయని చెప్పుకొంటున్నారు. జయలలితని తమిళ ప్రజలు అమ్మగా ఆరాధించేవారు. ఆమె మరణంతో ఇప్పుడు తమిళనాట రాజకీయ సంక్షోభం ఏర్పడింది. ఆమె స్థానాన్ని పూడ్చగలిగే నేత కనుచూపు మేరల్లో కూడా కనిపించడం లేదు. అయితే,శక్తి-సామార్థ్యాలు నయన్’కు ఉన్నాయనే టాక్ కోలీవుడ్ లో వినిపిస్తోంది.
ఇటీవలే ప్రేక్షకుల ముందుకొచ్చిన నయన్ ‘ఆరమ్’ చిత్రం బ్లాక్ బస్టర్ హిట్టయ్యింది. ఈ సినిమాలో నయన్ కలెక్టర్ పాత్రలో అదరగొట్టింది. ఆమె నటనకు సూపర్ స్టార్ రజనీకాంత్ కూడా ఫిదా అయిపోయాడు. ఈ సినిమా తర్వాత నయన్ పొలిటికల్ ఎంట్రీపై చర్చ మొదలైంది. ఇప్పటికి ఇప్పుడే కాకున్నా.. భవిష్యత్ లో నయన్ పొలిటికల్ ఎంట్రీ ఇస్తుందని.. ఆమె తమిళ్ ప్రజల మరో అమ్మగా పిలుపించుకుంటుందని చెప్పుకొంటున్నారు. మరీ.. ఈ ప్రచారం నిజమవుతుందేమో చూడాలి.
ప్రస్తుతం నయన్ తెలుగులో రెండు సినిమాలని అంగీకరించింది. మెగాస్టార్ చిరంజీవి 151వ సినిమా ‘సైరా నర్సింహారెడ్డి’లో నయన్ హీరోయిన్ గా నటించనుంది. కె.యస్ రవికుమార్ దర్శకత్వంలో తెరకెక్కుతోన్న బాలయ్య 102 ‘జై సింహా’ సినిమాలోనూ నయన్ నే హీరోయిన్. ఈ రెండు సినిమాలతో మళ్లీ టాలీవుడ్ లో హవా చాటబోతుంది నయన్.
