విక్రమ్ కు హాలీవుడ్ ఆఫర్.. నిజమే !

నటించడం కాదు.. జీవించేస్తుంటాడు విక్రమ్. తన నటనతో ప్రేక్షకులకి షాక్ ఇస్తుంటాడు. ఆయనకి దేశవ్యాప్తంగా అభిమానులున్నారు. నేపాల్, చైనా.. లాంటి దేశాల్లోనూ అభిమానులని సంపాదించుకొన్నారు. ఐతే, విక్రమ్ కు హాలీవుడ్ ఆఫర్ వచ్చిందనే ప్రచారం ఆ మధ్య జరిగింది. అది నిజమేనట. విక్రమ్ తాజా చిత్రం మిస్టర్ కేకే. ఈ వారం (జులై19) ప్రేక్షకుల ముందుకు రానుంది. ఈ సినిమా ప్రమోషన్స్ లో పాల్గొన్న విక్రమ్ హాలీవుడ్ సినిమా ఆఫర్ పై స్పందించారు.

“నాకు ఓ హాలీవుడ్‌ చిత్రంలో అవకాశం వచ్చిన మాట నిజమే. అక్కడ చేసే సినిమా నా జీవితంలో మైలు రాయిగా నిలవాలి. కానీ నాకు వచ్చిన హాలీవుడ్‌ అవకాశం ఆ స్థాయిలో లేదు. అందుకే వదులుకున్నా”నని తెలిపారు. ప్రస్తుతం విక్రమ్ ‘ధృవనక్షత్రం’ సినిమాలో నటిస్తున్నారు. షూటింగ్ చివరి దశకు చేరుకుంది. ఈ సినిమా తర్వాత మణిరత్నం దర్శకత్వంలో విక్రమ్ సినిమా ఉండనుంది.