పూరి ముందు విప్పాలిందే.. !
హీరోయిజం చూపించడంలో దర్శకుడు పూరి జగన్నాథ్ తర్వాతే ఎవరైనా. ఆయన సినిమాల్లో హీరోలు బుల్లెట్ కంటే స్పీడుగా దూసుకెళ్తుంటారు. ఒక్క మాటలో చెప్పాలంటే పూరి హీరోలు దేశముదుర్లు. పోకిరీలు. ఇడియట్ లు. టెంపర్ చూపించేస్తారంతే. ఐతే, పూరి సినిమాలకి సంబంధించి ఓ సెంటిమెంట్ ఉంది. సినిమాలో హీరో షర్ట్ విప్పేసి.. సిక్స్ బాడీ చూపిస్తే.. అది సూపర్ హిట్. దేశముదురు నుంచి టెంపర్ వరకు ఆ సెంటిమెంట్ వర్కవుట్ అయింది.
పూరి తాజా చిత్రం ‘ఇస్మార్ట్ శంకర్’లోనూ రామ్ సిక్స్ ప్యాక్ బాడీతో కనిపించబోతున్నాడు. షర్ట్ విప్పేసి దుమ్మురేపనున్నాడు. ఈ నేపథ్యంలో ఇస్మార్ట్ శంకర్ సూపర్ హిట్ అనే కామెంట్స్ వినిపిస్తున్నాయి. హీరోలనే కాదు.. హీరోయిన్లని పూరి బోల్డ్ గా చూపిస్తుంటాడు. ఇస్మార్ట్ శంకర్ లో హీరోయిన్లు నిధి అగర్వాల్, నభా నటాషా ఓ రేంజ్ లో గ్లామర్ షో చేయనున్నారు. అందుకే.. ఇస్మార్ట్ శంకర్ కి ‘ఎ’ సర్టిఫెక్ట్ దక్కిందని టాక్. రేపే ఇస్మార్ట్ శంకర్ ప్రేక్షకుల ముందుకు రాబోతున్నాడు.
