‘గుణ369’ ట్రైలర్ టాక్

గొడవ ప‌డితే గొడ‌వ‌లు త‌ప్ప మ‌రేం మిగ‌ల‌వు అంటున్నాడు యంగ్ హీరో కార్తీకేయ. కొత్త దర్శకుడు అర్జున్ జంధ్యాల దర్శకత్వంలో ఆయన నటించిన చిత్రం ‘గుణ369’. స్నేహితుడి కోసం గొడ‌వ మొద‌లుపెట్టి.. చివ‌రికి ఆ గొడ‌వ ఎంత‌దూరం వెళ్లింది. ఎలాంటి న‌ష్టం తీసుకొచ్చిందనే కథాంశంతో తెరకెక్కిన చిత్రమిది. అన‌ఘ హీరోయిన్ గా నటించింది. తాజాగా ఈ సినిమా ట్రైలర్ ని విడుదల చేసింది చిత్రబృందం.

ట్రైలర్ లో యాక్షన్, డైలాగ్స్ హైలైట్ గా నిలిచాయ్. కార్తీకేయలోని మాస్ యాంగిల్ చూపించే విధంగా ట్రైలర్ ని కట్ చేశారు. కొన్ని షాట్స్ లో కార్తీకేయ కటౌట్ ప్రభాస్ ని తలపించింది. ఐతే, ఎక్స్ ప్రెషన్స్ లో చాలా డెవలెప్ కావాలి. ట్రైలర్ చివర్లో గుణ369 అంటే ఖైదీ నెం. 369 అనే హింట్ కూడా ఇచ్చాడు. ఇంతకీ.. హీరో కార్తీకేయ ఖైదీ369 ఎందుకు అయ్యాడు ? దానికి దారితీసిన పరిస్థితులు ఏంటన్నది సినిమాలో చూడాలి. ట్రైలర్ మాత్రం పక్కా మాస్.