‘ఇస్మార్ట్ శంకర్’ 3 డేస్ కలెక్షన్స్

మాస్ ని మరోసారి మురించాడు దర్శకుడు పూరి. ఆయన దర్శకత్వంలో రామ్ హీరోగా వచ్చిన చిత్రం ‘ఇస్మార్ట్ శంకర్’. హిట్ టాక్ తో థియేటర్స్ లో సందడి చేస్తోంది. మూడ్రోజుల్లో ఈ సినిమా రూ.36కోట్లకిపైగా గ్రాస్ ని వసూలు చేసింది. ఈ విషయాన్ని తెలుపుతూ చిత్రబృందం ఓ పోస్టర్ ని వదిలింది. ఈ వీకెండ్ లో ఈ సినిమా కలెక్షన్స్ రూ. 50కోట్లు చేరేలా కనిపిస్తున్నాయి.

పోటీలో మరో సినిమా లేకపోవడం, సినిమా మాస్ ప్రేక్షకులకి కనెక్ట్ కావడంతో కాసులు వర్షం కురుస్తోంది. వచ్చే వారం (జులై 26) విజయ్ దేవరకొండ డియర్ కామ్రేడ్ విడుదల కానుంది. అప్పటి వరకు ఇస్మార్ట్ శంకర్ దే హవా. ఈలోగా ఇస్మార్ట్ కలెక్షన్స్ రూ. 50కోట్లు దాటేయడం గ్యారెంటీ అంటున్నారు. ఇక, చాలా గ్యాప్ తర్వాత దక్కిన హిట్ ని పూరి అండ్ కో ఫుల్లుగా సెలబ్రేట్ చేసుకొంటున్నారు. వీరికి పూరి గురువు రామ్ గోపాల్ వర్మ తోడవ్వడంతో ఇస్మార్ట్ సెలబ్రేషన్స్ సోషల్ మీడియాలో వైరల్’గా మారాయ్.

ఇస్మార్ట్ శంకర్ లో రామ్ నటన, మేనరిజం హైలైట్ గా నిలిచింది. ఆయనకి జంటగా నటించిన నభా నటాషా, నిధి అగర్వాల్ గ్లామర్ షోతో రెచ్చిపోయారు. ప్రత్యేకంగా నభా రామ్ తో పోటీపడి మరీ నటించింది. ఇప్పుడీ హీరోయిన్ కోసం స్టార్స్ క్యూ కడుతున్నారు. ఇక, ఈ సినిమాతో మణిశర్మ హిట్ ట్రాక్ లోకి వచ్చేశాడు. సినిమా సెకాంఢాఫ్ లో మణిశర్మ నేపథ్య సంగీతం పూనకం తెప్పించేలా ఉంది.