బిగ్ బాస్ 3.. నాగ్ ఎంట్రీ అదిరిపోయింది.. !

బుల్లితెర ప్రేక్షకులు ఎప్పుడెప్పుడా అని ఆసక్తిగా ఎదురు చూస్తున్న బిగ్ బాస్ 3 ప్రారంభం అయింది. హోస్ట్ గా కింగ్ నాగార్జున అదిరిపోయే ఎంట్రీ ఇచ్చాడు. ‘నడిచే స్టైల్ ఏమో రాకింగ్.. ’ అంటూ కింగ్ సాంగ్‌తో ఎంట్రీ ఇచ్చాడు. రాగానే.. గత రెండు సీజన్లకు హోస్ట్‌గా వ్యవహరించిన ఎన్టీఆర్, నానికి థాంక్స్ చెప్పారు.

సీజన్ 3 గత రెండు సీజన్ల మాదిరిగా కాకుండా భిన్నంగా ఉంటుందని అప్పుడే హింట్ ఇచ్చేశాడు. బిగ్ బాస్ హౌస్‌లో ఎంట్రీ ఇచ్చే 15 మంది కంటెస్టెంట్స్‌ని మీరే సెలెక్ట్ చేయాలంటూ నాగార్జునను బిగ్ బాస్ ఆదేశించారు. సెలెక్ట్ చేసిన చీటీలలో నుండి ఒక చీటీ తీసి తీన్మార్ సావిత్రి (శివజ్యోతి) ఫస్ట్ కంటెస్టెంట్‌గా హౌస్‌కి తీసుకువచ్చారు. రెండో కంటెస్టెంట్‌గా టీవీ యాక్టర్ రవిక్రిష్ణ ఎంట్రీ ఇచ్చారు. మూడో కంటెస్టెంట్‌గా డస్మాష్ స్టార్ అషూ రెడ్డి ఎంట్రీ ఇచ్చింది. ఇంకా కంటెస్టెంట్స్ ఎంట్రీ కొనసాగుతోంది.