మహి-పివిపి భారీ బడ్జెట్ సినిమా ?

ఆనందో బ్రహ్మ, యాత్ర సినిమాలతో దర్శకుడుగా నిరూపించుకొన్నాడు మహి వి రాఘవ్. ‘యాత్ర2’ని ప్రకటించేశాడు. దీనికి ఏపీ సీఎం వైఎస్ జగన్ నుంచి అనుమతి రావాల్సి ఉంది. సో.. ‘యాత్ర2’ 2024 ఎన్నికల ముందు ప్లాన్ చేసే అవకాశాలున్నాయి. ఈ నేపథ్యంలో మహి కొత్త స్క్రిప్టుపై కసరత్తు చేస్తున్నారట. అది పాన్ ఇండియా సబ్జెక్ట్ అని తెలుస్తోంది. ఈ లైన్ పివిపి ఓకే చేశారు.

ప్రస్తుతం ఈ స్క్రిప్ట్ మీద మహి పని చేస్తున్నారు. అది పూర్తయితే సినిమాని అధికారికంగా ప్రకటించనున్నారు. భారీ బడ్జెట్ సినిమా.. పైగా దక్షిణాది బాషలతోపాటు బాలీవుడ్ లోనూ విడుదల చేస్తారు. ఈ నేపథ్యంలో స్టార్ హీరోని తీసుకోవాలి. మరీ.. పివిపి బ్యానర్ లో నటించేందుకు ఆసక్తి చూపే స్టార్ హీరో ఎవరన్నది ఆసక్తిగా మారింది. గతంలో ఒకరిద్దరు స్టార్ హీరోలతో పివిపికి చెడింది. ఈ నేపథ్యంలో మహి-పివిపి భారీ బడ్జెట్ సినిమాలో నటించే స్టార్ ఎవరన్నది వేచి చూడాలి.