అబిడ్స్ థియేటర్’లో జారిపడిన బాలుడు మృతి
సరదాగా సినిమా చూసేందుకు వెళ్లిన బాలుడు మృతి చెందడం మనసుని కలిచివేస్తోంది. హైదరాబాద్ అబిడ్స్ లో ఈ ఘటన జరిగింది. అబిడ్స్‌లోని స్వప్న-సంతోష్ థియేటర్ మొదటి అంతస్థు నుండి ప్రమాదవశాత్తు బాలుడు జారిపడ్డాడు. థియేటర్‌లో కిటికీలకు గ్రిల్స్ లేకపోవడంతో ఇందుకు కారణం.
సోమవారం ఈ ఘటన జరిగింది. ఈ ప్రమాదంలో తీవ్ర గాయలైన బాలుడు ఆసుపత్రిలో చికిత్స పొందుతూ ఇవాళ మృతి చెందారు. బాలుడి మృతికి థియేటర్ యాజమాన్యమే కారణమని తల్లిదండ్రులు ఆరోపిస్తూ పోలీసులకు ఫిర్యాదు చేయగా కేసు నమోదు చేసిన పోలీసులు విచారణ చేపట్టారు.
