కె.విశ్వనాథ్’ని కలిసిన సీఎం కేసీఆర్
తెలంగాణ ముఖ్యమంత్రి కేసీఆర్ ప్రముఖ దర్శకుడు కె.విశ్వనాథ్ ఇంటికి వెళ్లి ఆయన్ని కలిశారు. సీఎం కేసీఆర్ రాకపై విశ్వనాథ్ ఆనందం వ్యక్తం చేశారు. కుచేలుడి ఇంటికి శ్రీకృష్ణుడు వచ్చినట్లుగా ఉందన్నారు. ఈ భేటీకి ఎలాంటి రాజకీయ ప్రాధాన్యమూ లేదని.. ఓ మూమూలు వ్యక్తిగా, అభిమానిగా కేసీఆర్ తనను కలిశారని చెప్పారు.
అజ్ఞాత అభిమానిని అంటూ కేసీఆర్ పేర్కొనడాన్ని గర్వంగా ఫీలవుతున్నట్లు చెప్పారు. తన సినిమాలోని ఓ పాట నచ్చి నన్ను కలుస్తానని కేసీఆర్ రాత్రి ఫోన్‌ చేసి మాట్లాడారన్నారు. తమ మధ్య సాహిత్యానికి సంబంధించిన అంశాలపైనా చర్చ జరిగింది. చిన్నతనంలో తన ఉపాధ్యాయుడు నేర్పిన ఓ పద్యం గురించి కేసీఆర్ మాట్లాడారు. సీఆర్‌లో ఇన్ని కోణాలు ఉన్నాయని తాను అనుకోలేదని.. ఆయన మాటలు వింటే చాలా ఆశ్చర్యం కలిగిందన్నారు విశ్వనాథ్. ఇకపై సినిమాలు చేయను. ఆ ఓపిక తనకు లేదన్నారు విశ్వనాథ్.
