రోజా ఇంటికి సీఎం కేసీఆర్

సినీ నటి, నగరి ఎమ్మెల్యే రోజా ఇంటికి తెలంగాణ ముఖ్యమంత్రి కేసీఆర్ కుటుంబంతో కలిసి వెళ్లనున్నారు. ఇవాళ కేసీఆర్ కుటుంబం కంచిలోని అత్తివరద రాజస్వామి దర్శణానికి వెళ్లనున్నారు. ఈ ఉదయం బేగంపేట విమానాశ్రయం నుంచి ప్రత్యేక విమానంలో రేణిగుంటకు చేరుకుని అక్కడి నుంచి కంచికి చేరుకుంటారు.

ఐతే, మార్గమధ్యంలో కేసీఆర్ కుటుంబసభ్యులు రోజా ఇంటికి వెళ్లనున్నారు. ఈ నేపథ్యంలో రోజా ఇంట్లో ఏర్పాట్లు ముమ్మరంగా జరుగుతున్నాయి. మధ్యాహ్న భోజన ఏర్పాట్లు చేస్తున్నారు. ఇక సాయంత్రం కేసీఆర్ కుటుంబం అత్తివరద రాజస్వామిని దర్శించుకోనున్నారు. గతంలో కేసీఆర్ కుటుంబసభ్యులు తిరుమల వచ్చిన సందర్భంగా వైసీపీ సీనియర్ నేత చెవిరెడ్డి భాస్కర‌రెడ్డి ఇంటికి వెళ్లారు. ఈసారి కేసీఆర్ కుటుంబానికి రోజా ఆతిథ్యం ఇవ్వనున్నారు.