ఇకపై ప్రభాస్ నుంచి చిన్ని సినిమాలు

పెద్ద సినిమాలతో టెన్షన్ ఎక్కువ. ‘మగధీర’ తర్వాత రాజమౌళి ఇదే చెప్పాడు. ఆ టెన్షన్ ని భరించలేను. మగధీర తర్వాత ఓ చిన్ని సినిమా చేస్తానన్నారు. సునీత్ హీరోగా ‘మర్యాద రామన్న’ సినిమా తీశారు. హిట్ కొట్టారు. ఆ తర్వాత ‘బాహుబలి’లాంటి భారీ బడ్జెట్ సినిమా తీశారనుకోండీ. బాహుబలి తెలుగు సినీ ఖ్యాని ప్రపంచానికి చాటింది.

ఇప్పుడు ప్రభాస్ కూడా రాజమౌళి మాదిరిగానే పెద్ద సినిమాలతో టెన్షన్ అంటున్నారు. బాహుబలి తర్వాత ప్రభాస్ నటించిన చిత్రం ‘సాహో’. దాదాపు రూ. 300కోట్లకు పైగా బడ్జెట్ తో తెరకెక్కింది. ఆగస్టు 30న సాహో ప్రేక్షకుల ముందుకు రానుంది. ఈ సినిమా ప్రమోషన్స్ లో పాల్గొన్న ప్రభాస్ తన తదుపరి సినిమాపై స్పందించారు.

వందకోట్ల సినిమా చాలా ప్రెజర్ తో కూడుకున్నది. నెక్స్ట్ అంత పెద్ద బడ్జెట్ సినిమాలు చేయకుండా ఉండడానికి ట్రై చేస్తానన్నారు. రాథాకృష్ణ దర్శకత్వంలో ప్రభాస్ ప్రేమకథా చిత్రం తెరకెక్కుతోన్న సంగతి తెలిసిందే. పూజా హెగ్డే హీరోయిన్. ఇప్పటికే ఈ సినిమా 20 రోజుల షూటింగ్ పూర్తయింది. ఈ సినిమాని గోపి కృష్ణ బ్యానర్ నిర్మిస్తోంది. ఈ సినిమా బడ్జెట్ రూ.100కోట్ల లోపేనని ప్రభాస్ మాటలతో అర్థమవుతోంది.