సుజీత్’కు మాస్ పల్స్ బాగా తెలుసు

‘రన్ రాజా రన్’తో దర్శకుడుగా పరిచయమయ్యాడు సుజీత్. ఆయన రెండో సినిమా ‘సాహో’. బాహుబలి తర్వాత ప్రభాస్ చేసిన సినిమా. అందుకే అదృష్టం అంటే సుజీత్ దే. రెండో సినిమానే ప్రభాస్ తో. అది కూడా నేషనల్ స్థాయి సినిమా. రూ. 350కోట్ల సినిమా. ఐతే, సుజీత్ దగ్గర టాలెంట్ ఉంది అన్నారు ప్రభాస్. ఆదివారం హైదరాబాద్ రామోజీ ఫిల్మ్ సిటీలో సాహో ప్రీ రిలీజ్ వేడుక జరిగింది. ఈ సందర్భంగా మాట్లాడిన ప్రభాస్ సుజీత్ కి మాస్ పల్స్ బాగా తెలుసు. డై హార్ట్ ఫ్యాన్స్ డైలాగ్ సుజీత్ దేనని తెలిపారు.

సుజీత్ చాలా పెద్ద డైరెక్టర్ అయిపోతాడు. ఇంటర్నేషనల్ డైరెక్టర్ అవుతాడని కితాబిచ్చాడు. ఇక, హీరోయిన్ శ్రద్దా కపూర్ సాహో చేయడం మా లక్. సినిమాకి చాలా సపోర్ట్ గా ఉంది. ప్రొడ్యూసర్స్ వంశీ, ప్రమోద్, విక్రమ్ నా ప్రాణ స్నేహితులు. ఇలాంటి స్నేహితులు అందరికి ఉండాలని ఆకాంక్షించారు. భారీ అంచనాల మధ్య సాహో ఈ నెల 30న ప్రేక్షకుల ముందుకు రానుంది.