ప్రభాస్ ఫ్యాన్స్ కి సుజీత్ రిక్వెస్ట్

స్టార్ హీరో అభిమానులని మెప్పించడం అంత ఈజీ కాదు. ఏమాత్రం తేడా వచ్చిన అభిమానులు మీద పడిపోతారు. ఇప్పుడు సుజీత్ పరిస్థితి అదే. ‘సాహో’ రిలీజైన తొలిరోజు నుంచే సినీ విశ్లేషకులు, ప్రభాస్ అభిమానులు సుజీత్ ని టార్గెట్ చేయడం మొదలెట్టారు. మంచి టాలెంట్, భారీ బడ్జెట్, విలువైన సమయాన్ని సుజీత్ వేస్ట్ చేశాడు. అనుభవం లేని సుజీత్ చేతిలో ఇలాంటి భారీ బడ్జెట్ చిత్రం పెట్టడం పెద్ద తప్పని కామెంట్స్ చేస్తున్నారు. తాజాగా ఈ ప్రచారంపై సుజీత్ స్పందించారు.

అభిమానులు చేసిన విమర్శల జోలికి వెళ్లకుండా.. సాహో చిత్రాన్ని ప్రభాస్ ఫ్యాన్స్, డై హార్ట్ ఫ్యాన్స్, ప్రేక్షకులు సాహో చిత్రాన్ని మరొకసారి చూడాల్సిందిగా రిక్వెస్ట్ చేశాడు సుజీత్. సాహో చిత్రంలోని గొప్ప స్క్రీన్ ప్లే, అలాగే మేము పడ్డ కష్టం తెలియాలంటే మీరు మరొక్క మారు థియేటర్లకు వెళ్లి చూడండి. భారీ అంచనాలతో సినిమా చూడడం వలనే సాహో చిత్రం నచ్చడం లేదని అభిప్రాయపడ్డాడు. సుజీత్ కాస్త భావోద్వేగానికి గురైనట్టు అనిపించింది. ఇక సాహో మూడ్రోజుల్లోనే రూ. 300కోట్ల వసూళ్లకి చేరువైంది. బాలీవుడ్ లో రూ. 100కోట్ల కలెక్షన్స్ ని క్రాస్ చేసింది.