గుడ్ న్యూస్ : విక్రమ్ ఆచూకీ దొరికేసింది

విక్రమ్ ల్యాండర్ ఆచూకీ కనుగొన్నామని ఇస్రో చైర్మన్ శివన్ తెలిపారు. ఆర్బిటర్ చంద్రుడి ఉపరితలంపై ఉన్న ల్యాండర్ థర్మల్ చిత్రాలను తీసిందని తెలిపారు. ల్యాండర్ తో సంబంధాల కోసం ప్రయత్నిస్తున్నామన్నారు. త్వరలో ల్యాండర్ తో సంబంధాలు ఏర్పడే అవకాశముందని శివన్ ఆశాభావం వ్యక్తం చేశారు. చంద్రయాన్-2 సాఫ్ట్ ల్యాండింగ్లో  భాగంగా శుక్రవారం ఆఖరు నిమిషంలో సాంకేతిక లోపం తలెత్తిన విషయం తెలిసిందే. ల్యాండర్ విక్రమ్ లో సాంకేతిక సమస్య ఏర్పడి సంకేతాలు తెగిపోయాయి. దీంతో యావత్ భారత్  ప్రజలు నిరాశ చెందిన సమయంలో ల్యాండర్ ఆచూకీ లభించడం ఊరట కలిగించే విషయమే.