బాలీవుడ్ స్టార్ తో సైరా దర్శకుడు

టాలీవుడ్ ప్రేక్షకులకి ‘కిక్’నిచ్చిన దర్శకుడు సురేంధర్ రెడ్డి. ఆయన దర్శకత్వంలో రవితేజ హీరోగా వచ్చిన ‘కిక్’ బ్లాక్ బస్టర్ హిట్ అయింది. ఈ సినిమా బాలీవుడ్ రిమేక్ లో సల్మాన్ ఖాన్ నటించారు. సల్మాన్ ‘కిక్’ బాలీవుడ్ రికార్డులని బద్దలు కొట్టింది. ఇక ఇప్పుడు ‘సైరా’ సినిమాతో బాలీవుడ్ ప్రేక్షకులని పలకరించబోతున్నాడు సురేందర్ రెడ్డి. తొలి స్వాతంత్య్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా తెరకెక్కిన చిత్రమిది. ఇందులో నరసింహారెడ్డిగా మెగాస్టార్ చిరంజీవి, ఆయన గురువు పాత్రలో బిగ్ బీ అమితాబ్ నటిస్తున్నారు. దాదాపు రూ. 250కోట్ల భారీ బడ్జెట్ తెరకెక్కిన సైరా అక్టోబర్ 2న విడుదల కానుంది. 

ఈ నేపథ్యంలో సినిమా ప్రమోషన్స్ లో పాల్గొన్న దర్శకుడు సురేందర్ రెడ్డి బాలీవుడ్ లో సినిమా చేస్తానని తెలిపారు. తనకి ఇష్టమైన హీరో సల్మాన్ ఖాతో సినిమా చేయాలని ఉందనే కోరికని వెలుబుచ్చారు. సైరా రిజల్ట్ తర్వాత సురేందర్ రెడ్డి బాలీవుడ్ సినిమా ప్రయత్నాలు చేసే ఛాన్స్ ఉందని తెలుస్తోంది. సైరా బ్లాక్ బస్టర్ హిట్ అయితే.. ఆయనకి బాలీవుడ్ ఆఫర్ నల్లేరు మీద నడకే. లేదంటే .. ఆయనది తీరని కోరికే. సైరా తెలుగు, తమిళ్, హిందీ, మలయాళ బాషల్లో రిలీజ్ కానుంది.