వాల్మీకిలో గబ్బర్ సింగ్ సీన్

ఎంటర్ టైన్ మెంట్ ఏపీసోడ్స్ అద్భుతంగా రాయగల దర్శకుడు హరీష్ శంకర్. ‘అదుర్స్’ సినిమాలో చారి పాత్రకి స్కిప్ట్ రాసింది హరీష్ నే. చారి పాత్రలో తారక్ కడుపుబ్బ నవ్వించిన సంగతి తెలిసిందే. ఇక ‘గబ్బర్ సింగ్’లో అంత్యాక్షరి ఏపీసోడ్ అదిరిపోయింది. సినిమా మొత్తం ఒక ఎత్తు. ఆ ఒక్క అంత్యాక్షరి సీన్ ఒకెత్తు. ఇప్పుడు వాల్మీకి చిత్రంలోనూ గబ్బర్ సింగ్ అంత్యాక్షరి సీన్ మాదిరిలాగా పేరడి సీన్ ని ప్లాన్ చేశారు. ఈ సీన్ కోసం గబ్బర్ సింగ్ బ్యాచ్ అంతా దిగిపోయింది. ఈ పారడీ మొత్తం హాస్యనటుడు ప్రభాస్ శీను చుట్టూ తిరుగుతూ ఉంటుంది. ట్రయిలర్ లోనూ ఆ పేరడికి సంబంధించిన చిన్న బిట్ ఉంది. సినిమాలో పేరడీ ఏపీసోడ్ హైలైట్ కానుందని చెబుతున్నారు. 

డీజే – దువ్వాడ జగన్నాథమ్ తర్వాత హరీష్ శంకర్ దర్శకత్వంలో వస్తున్న చిత్రమిది. వాల్మీకి కోసం వరుణ్ తేజు నాటు లుక్ లోకి మారిపోయాడు. భయంకరమైన విలన్ గా కనిపిస్తున్నాడు. ఈ చిత్రంలో వరుణ్  కి జోడీగా పూజా హెగ్డే నటిస్తున్నారు. తమిళ్ హిట్ జిగర్తాండా కు రిమేక్ ఇది.  ఈ చిత్రానికి దేవి శ్రీ ప్రసాద్ బ్యాక్ గ్రౌండ్ స్కోర్ కంపోజ్ చేస్తున్నాడు. 14 రీల్స్ బ్యానర్ పై రామ్ ఆచంట, గోపి ఆచంట ఈ చిత్రాన్ని నిర్మిస్తున్నారు. ఈ నెల 20న వాల్మీకి ప్రేక్షకుల ముందుకు రానుంది.