ఎవరీ.. వెంకీ ?

ఇండస్ట్రీకి కొత్త రచయిత దొరికాడు. విక్రమ్ కె కుమార్ దర్శకత్వంలో నాని నటించిన చిత్రం ‘గ్యాంగ్ లీడర్’. ప్రియాంక కథానాయక. యువ కథానాయకుడు కార్తీకేయ విలన్ గా నటించారు. ఈ వారమే (సెప్టెంబర్ 13) గ్యాంగ్ లీడర్ ప్రేక్షకుల ముందుకు రానుంది. ఈ నేపథ్యంలో మంగళవారం వైజాగ్ లో గ్యాంగ్ లీడర్ ప్రీ రిలీజ్ వేడుకని ఘనంగా నిర్వహించారు. ఈ సందర్భంగా మాట్లాడిన సినిమా కోసం పని చేసిన ఒక్కోక్కరి గురించి ప్రస్తావిస్తూ కృతజ్ఝతలు తెలిపారు. ఈ క్రమంలో గ్యాంగ్ లీడర్ కథా రచయిత వెంకీని పరిచయం చేశాడు.

‘మా సినిమా రైటర్. ఇతని విషయంలో నేను చాలా గర్వంగా ఉన్నా. ఎందుకంటే ? ఇతన్ని విక్రమ్ వద్దకి పంపించింది నేనే. నాకు ఫస్ట్ వచ్చిన ఫోన్.. అసలు అదిరిపోయే రైటర్ ని పంపిచావ్. థ్యాంక్యూ సో మచ్ అని చెప్పాడు విక్రమ్. రేపు థియేటర్స్ లో మీరు బాగా నవ్వుకొని ఎంజాయ్ చేశారంటే.. ? అది ఇతడి రైటింగ్ నే. థ్యాంక్యు వెంకీ’ అన్నారు నాని. గ్యాంగ్ లీడర్ హిట్ అయితే.. యువ రచయిత వెంకీ పంటపండినట్టే.