అందుకే ‘బందోబస్త్’ నుంచి శిరీష్ ని తొలగించారా ?

తమిళ స్టార్ సూర్యకు టాలీవుడ్ లోనూ మంచి మార్కెట్ ఉంది. ఆయన నటించిన ప్రతి సినిమా తెలుగులోనూ విడుదలవుతూ ఉంటుంది. ఆయన తాజా చిత్రం ‘బందోబస్త్’. ఇందులో సూర్య వివిధ గెటప్ లలో కనిపించనున్నారు. ఈ చిత్రానికి కె.వి.ఆనంద్ దర్శకత్వం వహించారు. సాయేషా సైగల్ కథానాయిక. సుభాస్కరన్ నిర్మాత. తెలుగులో ఎన్వీ ప్రసాద్ విడుదల చేస్తున్నారు. సెప్టెంబరు 20న ప్రేక్షకుల ముందుకు రాబోతోంది. సినిమా ప్రమోషన్స్ భాగంగా సూర్య తెలుగు మీడియాతో ముచ్చటించారు.

‘కె.వి ఆనంద్ తో చాలా ఏళ్లుగా ప్రయాణిస్తున్నా. 1997లో నా తొలి సినిమాకు ఆయన సినిమాటోగ్రాఫర్ గా చేశారు. ఆయన ఫొటో జర్నలిస్ట్ కూడా. ఆయన దగ్గర ఆసక్తికరమైన అనేక సంఘటనలు, కథలు ఉన్నాయి. ఈ సినిమా కథ కోసం చాలా పరిశోధనలు చేశారు. ఓ ప్రధాని కార్యాలయంలో ఏం జరుగుతుంది? సమాజంలోని పరిస్థితులు, సెక్యూరిటీ విషయంలో మనం ఎలా ఉన్నాం.. తదితర విషయాల్ని ఇందులో ప్రస్తావించాం. సాయేషా మంచి నటి. ఐతే, ఆర్యని పక్కనే పెట్టుకొని సాయేషాతో రొమాన్స్ చేయడం ఇబ్బంది అనిపించింది’ అన్నారు సూర్య. అన్నట్టు ఆర్య నటించిన పాత్ర అల్లు శిరీష్ నటించాల్సి ఉంది. దీనిపై సూర్య స్పందించారు.

నిజానికి ఈ సినిమాలో అల్లు శిరీష్ నటించాల్సి ఉంది. కానీ, చివరి నిమిషంలో కొన్ని సమస్యలు రావడం వల్ల ఆర్యను తీసుకున్నాం. ఆర్య అద్భుతంగా నటించాడని చెప్పుకొచ్చారు. అంటే.. శిరీష్ నటన నచ్చకే బందోబస్త్ నుంచి తొలగించారని సూర్య అభిప్రాయమా ? అనే అనుమానాలు కలుగుతున్నాయి. దీనిపై ఏదో సందర్భంలో శిరీష్ క్లారిటీ ఇస్తారనుకోండీ.. !