కారు బోల్తా 5గురు సజీవదహనం

వేగంగా వెళ్తున్న కారు అదుపుతప్పి బోల్తా పడింది. దీంతో కారులో ఒక్కసారిగా మంటలు వ్యాపించాయి. మంటల్లో చిక్కుకుని ఐదుగురు సజీవదహనం అయ్యారు. ఒకరు తీవ్ర గాయాలతో బయట పడ్డారు. ఈ ఘటన చిత్తూరు జిల్లా గంగవరం మండలం మామడుగు సమీపంలో పలమనేరు వద్ద చోటు చేసుకొంది. కారు తిరుపతి నుంచి బెంగుళూరు వైపు వెళ్తుండగా ఈ ప్రమాదం జరిగింది.  కారులో ఉన్న కళ, జాహ్నవి, భానుతేజ, పావన రామ్, ఆశ్రితలు సజీవదహనం అయ్యారు. మృతులంతా తిరుపతికి చెందినవారు. గాయాలతో బయటపడిన వ్యక్తిని విష్ణుగా గుర్తించారు. క్షతగాత్రుడిని పలమనేరు ఆస్పత్రికి తరలించారు.