కాళేశ్వరం ఓ అద్భుతం
తెలంగాణ అసెంబ్లీ సమావేశాల్లో భాగంగా బడ్జెట్ పై చర్చ జరుగుతోంది. బడ్జెట్’పై సాధారణ చర్చని మస్లిజ్ పక్షనేత అక్భరుద్దీన్ ప్రారంభించారు. కాళేశ్వరం ఓ అద్భుతమైన ప్రాజెక్ట్ అన్నారు. రాష్ట్రానికి ఇచ్చిన హామీలను సీఎం కేసీఆర్‌ పూర్తి చేస్తున్నారనికొనియాడారు.
అదేసమయంలో కేంద్రం సరైన సాయం చేయడం లేదని విమర్శించారు. మిషన్‌ భగీరథ, మిషన్‌ కాకతీయకు కేంద్రం సహకరించలేదు. రాష్ట్రంలోని వెనకబడిన ప్రాంతాలకు కేంద్రం నుంచి రావాల్సిన నిధులు రాలేదని అన్నారు.
ఇక శాసనమండలిలో కాంగ్రెస్ ఎమ్మెల్సీ జీవన్ రెడ్డి మాట్లాడుతూ.. రాష్ట్రంలో హెల్త్ ఎమర్జెన్సీని ప్రకటించాలని డిమాండ్ చేశారు. విషజ్వరాలపై వాయిదా తీర్మానం ఇస్తే తిరస్కరించడంపై అసంతృప్తి వ్యక్తం చేశారు. విషజ్వరాలపై కలెక్టర్ స్పెషల్ డ్రైవ్ చేయాలని జీవన్ రెడ్డి సూచించారు.
