‘వరల్డ్ ఫేమస్ లవ్వర్’గా విజయ్ దేవరకొండ 

కె. క్రాంతి మాధవ్ దర్శకత్వంలో విజయ్ దేవరకొండ నటిస్తున్న చిత్రానికి టైటిల్ ఖరారైంది. “వరల్డ్ ఫేమస్ లవ్వర్” అనే డిఫరెంట్ టైటిల్ ని పెట్టారు. ఎందుకు విజయ్ వరల్డ్ ఫేమస్ లవ్వర్ అయ్యాడన్నది సినిమా చూసి తెలుసుకోవాల్సిందే. ఈ చిత్రంలో విజయ్ కి జంటగా రాశీఖన్నా నటిస్తున్నారు. మరో హీరోయిన్ గా ఐశ్వర్య రాజేష్ నటిస్తున్నారు. ప్రతి సినిమాలో తన నటనతో ప్రేక్షకులకి షాక్ ఇవ్వడం విజయ్ కి అలవాటు. ఐతే, ఈసారి టైటిల్ తోనే షాకిచ్చారు. ఇలాంటి టైటిల్ ని విజయ్ ఫ్యాన్స్ కూడా ఊహించి ఉండరేమో !
 
ఇక, ఈ సినిమా ఫస్ట్ లుక్ ని ఈ నెల 20న విడుదల చేయనున్నారు. ఈ చిత్రానికి గోపీసుందర్ సంగీతం అందిస్తున్నారు. కె.ఎస్ రామారావు నిర్మించారు. షూటింగ్ దాదాపు పూర్తయిన ఈ చిత్రాన్ని త్వరలోనే ప్రేక్షకుల ముందుకు తీసుకొచ్చేందుకు సన్నాహాలు చేస్తున్నారు. ఈ సినిమా తర్వాత పూరి జగన్నాథ్ దర్శకత్వంలో విజయ్ దేవరకొండ సినిమా ఉండనుంది. ఈ చిత్రాన్నిమైత్రీ మూవీస్ మేకర్స్ నిర్మించనుంది.