పూరి-ఛార్మి కాస్ట్లీ కార్లు కొనేశారోచ్ !

దర్శకుడు పూరి జగన్నాథ్, ఆయన నిర్మాణ పార్టనర్ ఛార్మి హిట్ కిక్కులో ఉన్నారు. ‘ఇస్మార్ట్ శంకర్’తో సాలిడ్ హిట్ అందుకొన్నారు. భారీ లాభాలని గడించారు. ఈ ఆనందంలో పూరి, ఛార్మీ ఇద్దరు కాస్ట్లీ కార్లని కొనేశారు. పూరి జగన్నాథ్ రేంజ్ రోవర్ వోగ్ కారును కొనుగోలు చేస్తే ఛార్మి కూడా దగ్గర దగ్గర అదే స్థాయిలో బిఎంఎమ్ డెబ్ల్యూ 7 సిరీస్ వాహనాన్ని కొనేసింది. ఆ రెండు కార్లని పక్క పక్కనే పార్క్ చేసి.. వాటి ముందు నిల్చొని ఫోటోలకి పోజులిచారు. ఇప్పుడీ ఫోటోలు సోషల్ మీడియాలో వైరల్ అవుతున్నాయి.

ఇక, పూరి తదుపరి సినిమా విజయ్ దేవరకొండ హీరోగా ఉండనుంది. ఈ చిత్రాన్ని మైత్రీ మూవీస్ తో కలిసి పూరి నిర్మాణ సంస్థ పూరి కనెక్ట్స్ నిర్మించనుంది. ప్రస్తుతం విజయ్ క్రాంతి మాధవ్ సినిమా ‘వరల్డ్ ఫేమస్ లవ్వర్’తో బిజీగా ఉన్నారు. ఆ తర్వాత పూరి సినిమా సినిమా మొదలు కానుంది. పూరి సినిమా కోసం విజయ్ కొత్త లుక్ లో మారబోతున్నాడు. పూరి స్టయిల్ లో విజయ్ ఏ విధంగా ఉంటాడు అనేది ఆసక్తిగా మారింది. పూరితో సినిమా హిట్టయినా.. ప్లాప్ అయినా.. అది ఆ హీరోకి ప్రత్యేకంగా నిలుస్తుంది.