హైదరాబాద్ మెట్రోలో వాల్మీకి పరుగులు !
మెట్రో ట్రైయిన్ లో వాల్మీకి పరుగులు పెడుతోంది. హరీష్ శంకర్ దర్శకత్వంలో మెగా యంగ్ హీరో వరుణ్ తేజ్ నటిస్తున్న చిత్రం ‘వాల్మీకి’. పూజా హెగ్డే కథానాయిక. తమిళ చిత్రం ‘జిగర్తాండ’కు తెలుగు రీమేక్‌ ఇది. తమిళ నటుడు అధర్వ కీలక పాత్రలో నటించారు.
14 రీల్స్ బ్యానర్ పై రామ్ ఆచంట, గోపి ఆచంట ఈ చిత్రాన్ని నిర్మిస్తున్నారు. ఈ నెల 20న వాల్మీకి ప్రేక్షకుల ముందుకు రానుంది. ఈ నేపథ్యంలో ప్రమోషన్స్ ని పీక్స్ కి తీసుకెళ్లింది చిత్రబృందం. హరీష్-వరుణ్ మీడియాకు ప్రత్యేక ఇంటర్వ్యూలు ఇస్తున్నారు.
మరోవైపు హైదరాబాద్ లో వాల్మీకి పోస్టర్స్ ని నింపేశారు. హైదరాబాద్ మ్రెట్రో ట్రైయిన్ ని వాల్మీకి పోస్టర్స్ తో ముస్తాబుచేసినట్టు అతికించారు. ఇది ప్రత్యేక ఆకర్షణ నిలిచింది. దాంతో మెట్రో ప్రజలకి వాల్మీకి చేరువ చేసినట్టయింది. వాల్మీకి లాంగ్ రన్ పై ఆశలు లేవు. ఎందుకంటే అక్టోబర్ 2న సైరా వస్తోంది. సైరా వస్తే అన్నీ సినిమాలు సైడ్ కావాల్సిందే. మెగాస్టార్ ముందు నాని, వరుణ్ తేజ్ తట్టుకోవడం కష్టమే. అందుకే తొలి రెండు వారాల్లోనే మంచి కలెక్షన్స్ సాధించాలని వాల్మీకి చిత్రబృందం టార్గెట్ పెట్టుకొంది. ఇందులో భాగంగా సినిమా ప్రమోషన్స్ ని పకడ్భంధీగా ప్లాన్ చేస్తున్నారు. మెట్రో వాల్మీకి పరుగులు కూడా ఇందులో భాగంగా చేసినదే.
#Valmiki outdoor publicity in full swing. Hyderabad Metro Train full stickering #ValmikiFromSept20th @IAmVarunTej @harish2you @14ReelsPlus @RaamAchanta pic.twitter.com/yGMdRjMKFc
— BARaju (@baraju_SuperHit) September 17, 2019
