‘అల.. వైకుంఠపురంలో’ రిలీజ్ డేటు ఫిక్స్ 

సంక్రాంతి సినిమాలు రిలీజ్ డేటుని ఖరారు చేసుకొంటున్నాయి. వచ్చే యేడాది సంక్రాంతి కానుకగా సూపర్ స్టార్ మహేష్ బాబు ‘సరిలేరు నీకెవ్వరు’. స్టయిలీష్ స్టార్ ‘అల.. వైకుంఠపురంలో’ సినిమాలు రాబోతున్నాయి. వీరితో పాటు కె.యస్ రవికుమార్ దర్శకత్వంలో తెరకెక్కుతోన్న బాలయ్య సినిమా రానుంది. ఈ సినిమా టైటిల్ ఇంకా ఖరారు కాలేదు. నందమూరి యంగ్ హీరో కల్యాణ్ రామ్  కూడా సంక్రాంతి రేసులో ఉన్నారు. ఆయన తాజా చిత్రం ఎంత మంచివాడవురా ! సంక్రాంతికి రిలీజ్ కానుంది. 

ఇక సంక్రాంతి సినిమా ‘అల.. వైకుంఠపురంలో’ రిలీజ్ డేటు ఫిక్స్ చేసుకొంది. జనవరి 12న ప్రేక్షకుల ముందుకు రానుంది. ఈ మేరకు చిత్రబృందం నుంచి ప్రకటన వచ్చేసింది. త్రివిక్రమ్-బన్నీ కలయికలో రాబోతున్న హ్యాట్రిక్ చిత్రమిది. ఈ నేపథ్యంలో అల.. వైకుంఠపురంలో సినిమాపై ప్రేక్షకుల్లో భారీ అంచనాలున్నాయ్. ఇక మహేష్ సరిలేరు నీకెవ్వరు జనవరి 10నే విడుదల కానుంది.