సాయి పల్లవితో వరుణ్ తేజ్ పెళ్లి !
మెగా ప్రిన్స్ వరుణ్ తేజ్ ముద్దుగుమ్మ సాయిపల్లవికి ఫిదా అయిపోయాడు. ఆమెని పెళ్లాడతా అంటున్నాడు. ఈ విషయం ఇంకా ఆమెకి చెప్పలేదు. అంతకంటే ముందు మంచు లక్ష్మీకి చెప్పేశాడు. బాలీవుడ్ లో పాపులర్ అయిన ‘ఫీట్ అప్ విత్ ది స్టార్స్’ టాక్ షో ఇప్పుడు తెలుగులో కూడా మొదలైన సంగతి తెలిసిందే. తెలుగు వెర్షన్ కి మంచు లక్ష్మి హోస్ట్ గా వ్యవహరిస్తోంది. ఆదివారం తొలి ఏపీసోడ్ ప్రసారమైంది. తొలి గెస్ట్ గా వరుణ్ తేజ్ హాజరయ్యాడు. లక్ష్మీతో తన బెడ్ రూమ్ సీక్రెట్స్ ని పంచుకొన్నాడు మెగా ప్రిన్స్.
వరుణ్ ని మంచులక్ష్మీ ఓ ఆసక్తికర ప్రశ్న అడిగింది. కిల్, మ్యారీ, డేట్… ఇందులో ఒక్కో హీరోయిన్ కి ఒక్క ఆప్షన్ సెలెక్ట్ చేయమని సాయి పల్లవి, రాశి ఖన్నా, పూజ హెగ్డే పేర్లను ఇచ్చింది. వీరిలో రాశీఖన్నాని చంపేస్తా. పూజ హెగ్డేతో డేట్ చేసి సాయిపల్లవి ని పెళ్లి చేసుకుంటానని సమాధానం ఇచ్చారు వరుణ్. వరుణ్ ది మంచి టేస్ట్ నే. పెళ్లాంగా ఫిదా పిల్లని సెలక్ట్ చేసుకొన్నాడని ఆయన అభిమానులు అంటున్నారు.
రాశీఖన్నాతో కలిసి వరుణ్ తేజ్ తొలిప్రేమ చిత్రంలో నటించారు. పూజాహెగ్డే-వరుణ్ తేజ్ కలయికలో ముకుందా, గద్దలకొండ గణేష్ సినిమాలొచ్చాయ్. ఇక, వరుణ్ తేజ్-సాయిపల్లవి జంట తెలుగు ప్రేక్షలని ‘ఫిదా’ చేసిన సంగతి తెలిసిందే. గత శుక్రవారం ప్రేక్షకుల ముందుకొచ్చిన వరుణ్ తేజ్ గద్దలకొండ గణేష్ హిట్ టాక్ సొంతం చేసుకొంది. ఈ చిత్రానికి హరీష్ శంకర్ దర్శకత్వం వహించారు.
