దేవిశ్రీని పక్కనపెట్టేసిన కొరటాల

టాలీవుడ్ లో సంగీత దర్శకుడు దేవిశ్రీ ప్రసాద్ హవా తగ్గుతుందా ? అనే అనుమానాలు కలుగుతున్నాయి. త్రివిక్రమ్-అల్లు అర్జున్ కలయికలో తెరకెక్కుతోన్న ‘అల.. వైకుంఠపురంలో’ సినిమా కోసం థమన్ సంగీతం అందిస్తున్నారు. వాస్తవానికి బన్నీకి దేవిశ్రీ చాలా క్లోజ్. బన్నీ సినిమా అంటే దేవిశ్రీ ప్రత్యేకమైన ట్యూన్స్ ఇస్తుంటారు. అంతేకాదు.. బన్నీని అదిరిపోయే స్టెప్స్ వేయాలని ప్రోత్సహిస్తుంటారు. ఐతే, త్రివిక్రమ్ దర్శకత్వంలో బన్నీ నటిస్తున్న అల వైకుంఠపురంలో సినిమా కోసం దేవిశ్రీని తీసుకోలేదు.

ఇక కొరటాల శివ-దేవిశ్రీ లది హిట్ కాంబో. ఇప్పటి వరకు కొరటాల చేసిన అన్ని సినిమాలకి దేవిశ్రీనే సంగీతం అందించడం విశేషం. మిర్చి నుంచి భరత్ అను నేను వరకు దేవినే సంగీతం అందించారు. కొరటాల తదుపరి సినిమా మెగాస్టార్ చిరంజీవితో ఉండనుంది. త్వరలోనే సినిమా మొదలు కానుంది. ఐతే, ఈసారి కొరటాల కొత్త సంగీత దర్శకుడిని తీసుకొన్నట్టు సమాచారమ్. సైరా కోసం పని చేసిన బాలీవుడ్ మ్యూజిక్ డైరెక్టర్ అమిత్ త్రివేది కొరటాల-చిరు సినిమా కోసం పని చేయబోతున్నట్టు తెలుస్తోంది.